ORANJESTAD- Rapport di CAFT pa e di dos kwartaal di aña 2017 ta mustra claramente cu Aruba ta den e bon direccion pa loke ta su finanzas publico. Prome Minister Eman y Minister Bermudez a splica e analisis aki un poco mas profundo. Minister Eman a bisa cu CAFT ta conclui cu e maneho hiba ta esun cu a wordo stipula segun LAFT (Landsverordening Aruba tijdelijk financieel Toezicht. Eman a bisa cu tur e cifranan logra ta awor – tambe e 0,7% di e di dos kwartaal aki – a wordo certifica pa CAFT. Eman: “Importante ta loke CAFT a pone na final di su analisis. CAFT no tin duda cu Aruba ta logrando su metanan. Asina mes semper tin e debate riba e debe di pais Aruba. Anto awor nos por anuncia cu pa prome bes den e mas di 30 aña di existencia di pais Aruba cu den un raportahe oficial – sea ta di IMF, Standard & Poors, Banco Central of un CAFT – ta wordo bisa cu nos ta para na punto di mira un reduccion di debe di pais Aruba. Esaki ta algo cu semper nos a bisa tambe. Ta bay yega un momento cu e recuperacion economico ta traduci su mes den un mehoracion di finanzas publico cu nos ta yega na un Balanced Budget y automaticamente ora e economia sigui crece, e debe nacional (schuldquota) ta baha. No ta nos ta bise, pero CAFT den su rapport ta bisa ‘De aflossingen zullen onder gelijkblijvende omstandigheden er toe leiden dat de schuldquota in de tweede helft van het jaar zal gaan dalen’. Mas cla no por bise. Den e di dos mita di 2017 e schuldquota ta bay baha.” Prome Minister Eman a bisa cu esaki ta un trend sumamente importante, pasobra pa prome bes pais Aruba ta mira cu e debe ta cuminsa baha. Esaki danki na un maneho financiero estricto cu a wordo stipula pa e añanan nos dilanti y asina por mira con tur aña e debe nacional ta sigui baha den forma sistematico. Eman a yama danki pa e logro aki y felicita Minister Angel Bermudez, kende cu un man duro a maneha finanzas pa por a logra e situacion aki. Tambe e tabatin palabranan di aprecio pa e otro dos ministernan di Finazas, de Meza y Yrausquin. Cada un a yuda stabilisa finanzas publico. “Awe nos ta mira con institutonan internacional y di Reino ta certifica cu Aruba ta bahando den forma sistematico su deficit y esaki ta conduci cu den e mesun forma debe di pais Aruba ta bay bahando. E debe aki ta un di e ultimo temanan cu a keda den discusion politico ora ya no tabatin topico di discusion mas y awe CAFT ta bisa cu sigur e perspectivanan pa desaroyo di finanzas publico ta bay den un direccion hopi positivo.” Na final Eman a bisa cu claro cu CAFT tin tambe su op- en aanmerkingen y esey ta logico pasobra ta su tarea pa tene tur hende skerpi, pero importante ta cu e liña grandi den e rapport ta positivo.

0
86

 

E proyecto di WiFi ta casi completa, mientras cu su tras ta bin caba e instalacion di un sistema di zonido cu lo trece ambiente musical constantemente pa e bishitantenan di Caya G.F. Betico Croes. Fuera di esey, ta papiando cu e doñonan di edificio pa haya nan cooperacion pa pone lonanan grandi di un banda pa otro cu lo ofrece sombra; algo particularmente necesario den e lunanan calor di aña manera esnan cu ta  nos ta pasando aden awo.

Dos di e tres areanan di WiFi gratis ya ta cla, e ultimo ta pendiente pa aprobacion di tiendanan pa loke ta e instalacion di e aparatonan necesario. Esaki ta e proceso cu a tuma mas tempo y esfuerso pasobra hopi biaha e comerciante den caya ta un huurdo y no por duna, su mes, e autorisacion pa haci conexionnan tecnologico riba e edificio.

E siguiente fase ta e diseño di un canape cual ta un sistema cu lo trece sombra den Caya Grandi cu diferente lona di colo di punta pa punta den caya grandi, pero cu lo ta un parti importante riba e fachada di e edificionan y nos ta den proceso pa aprobacion. “Mi ta sigur cu, cu un poco mas di sombra, lo bira mas atractivo den oranan di dia,” Premier Eman a expresa. “E otro parti importante ta esun di e pregunta riba extension di orario y gobierno ta facilitando esey caba.”

Colega di Asuntonnan Economico drs. Richard Arends a splica cu un total di 60 peticion di comerciantenan a keda otorga pa por habri te 11’or di anochi. Ta keda awo na e propio maneho di e tiendanan pa haci uso di e posibilidad aki. “Tur peticion cu bin aden, ta wordo honra,” asina Minister Arends a splica poniendo enfasis cu Gobierno ta apoya pa tiendanan alarga den oranan di anochi nan operacionnan pa facilidad di cumpradornan y pa trece mas ambiente den Caya Grandi.

Por ultimo, Prome Minister Eman a duna di conoce cu actualmente ta realisando e trabounan di instalacion di sistema di zonido cu ta pasa den e infrstructura bou di caminda y cu pa fin di aña e lo ta cla. “Den luna di december y net pa e temporada di Pasco cual ta un tempo importante pa e tiendanan, lo tin un soundsystem y wifi. Probablemente lo cuminsa tambe cu e prome fase di e lona cu ta bay poniendo pa duna mas sombra den Caya Grandi,” asina Premier Eman a duna di conoce.

 

LEAVE A REPLY

Please enter your comment!
Please enter your name here