Prome Minister Mike Eman haciendo hopi mucha y hoben feliz cu veldnan miniturf

0
326

ORANJESTAD – Na momento cu a construi e prome veld di miniturf na Centro di Bario Brazil, e reaccionnan di biaha tabata positivo. Tur organisacion deportivo y barionan a cuminsa haci peticion pa bin na remarca pa un di e proyectonan aki cu ta un iniciativa di Prome Minister Mike Eman.

Despues di e prome cancha, hunto cu e.o. FCCA (Fundacion Cas pa Comunidad Arubano) y COA (Comite Olimpico Arubano a sigui construi diferente di e veldnan miniturf aki cu no solamente ta un atraccion pa nos mucha y hobennan, pero tambe pa adultonan. E pensamento di Prome Minister Mike Eman tras di e proyectonan aki ta pa aleha nos mucha y hobennan for di caya y laganan practica deporte.

Despues di Dakota, a toca turno na Arsenal pa inaugura su miniturf cu a bira un realidad danki na patrocinio di e Programa Olympamerica di e Organisacion Deportivo Panamericano atrabes di Comite Olimpico Arubano bou presidencia di Sr. Roy Mezas.

Un di e hobennan presente na e veld miniturf di Arsenal durante e inauguracion tabata Tendrick Wernet di 12 aña, kende ta forma parti di e ekipo di Arsenal desde cu e tin 6 aña. “E ta masha great di por hunga riba un miniturf. E ta hopi mas dushi pa hunga riba yerba enbes di riba un veld di santo.” E hoben a splica cu nan ta train normalmente anochi. E ta kere cu awo cu nan tin un mini veld pa futbol, sigur lo bay tin mas mucha cu lo yega veld. “Mi ta contento cu mi por hunga riba un veld di yerba cu tur mi amigonan y muchanan di bario.”

LEAVE A REPLY

Please enter your comment!
Please enter your name here